Լա Լիգան «Բարսելոնա» – «Ռեալ» հանդիպման ժամանակ ռասիստական բռնություններ է արձանագրել: Խաղը կայացել է Բարսելոնայում եւ ավարտվել մադրիդյան թիմի հաղթանակով՝ 2։1 հաշվով։
Ինչպես հայտնում է La Vanguardia-ն, ռասայական վիրավորանքներ են հնչել Մադրիդի «Ռեալի» հարձակվող Վինիսիուս Ժունիորի հասցեին։ «Բարսելոնան» սոցիալական ցանցերում հաղորդագրություն է հրապարակել՝ դատապարտելով հանդիպմանը ռասիզմի դրսեւորումները։
««Բարսելոնան» միշտ պաշտպանելու է ֆուտբոլի արժեքները և մրցակիցների նկատմամբ հարգանքը, և մենք կուսումնասիրենք ցանկացած ռասիստական բռնություն, որը կարող էր տեղի ունենալ այսօր «Ռեալի» դեմ խաղի ժամանակ», – ասվում է հայտարարության մեջ:
