«Մանչեսթեր Յունայթեդի» գլխավոր մարզիչ Էրիկ տեն Հագը Չեմպիոնների Լիգայի խաղում «Կոպենհագենի» նկատմամբ տարած հաղթանակից հետո (1:0) ամփոփել է խաղը։
«Իհարկե, սա անհավանական և հիանալի գիշեր է: Հատկապես վերջին վայրկյանին, երբ դու ստանում ես 11 մետրանոց, բայց Անդրե Օնանան փայլուն սեյվ է կատարում: Նա հիանալի հանդիպում անցկացրեց, ինչպես և Մագուայրը:
Վատ առաջին խաղակեսը, բայց մենք հանգստություն պահպանեցինք, իսկ երկրորդ խաղակեսում ավելի շատ պահեր ստեղծեցինք, քան մրցակիցները: Ի վերջո, մեզ դժվարությամբ հաջողվեց փախչել»,- Տեն Հագի խոսքերն է մեջբերում BBC-ն։