«Բարսելոնայի» գլխավոր մարզիչ Չավին պատասխանել է կիսապաշտպան Ֆրենկի դե Յոնգի մասին հարցին։
«Բլաուգրանայի» մարզչի խոսքերով՝ կատալոնական ակումբում ֆուտբոլիստներին հաճախ ցածր նշանակելով մոտիվացնում են:
««Բարսելոնայում» կարող են թերագնահատել բոլորին։ Եթե ֆուտբոլիստը խաղում էր 8 միավորի համար, նրան տալիս են 6, եթե 10-ի համար, ապա նրան տալիս են 8: «Բարսելոնայում» ֆուտբոլիստը պետք է հոգեպես ուժեղ լինի:
Մենք փորձում ենք վստահություն ներշնչել նրանց մեջ։ Ֆրենկին Աշխարհի լավագույն կիսապաշտպաններից մեկն է»,- լրագրողներին նշել է Չավին:
Այժմ Չավին «Բարսելոնային» նախապատրաստում է Լա լիգայի «Գրանադայի» հետ արտագնա հանդիպմանը։ Թիմերը կխաղան կիրակի օրը՝ հոկտեմբերի 8-ին: