Հոկտեմբերի 3-ին «Բավարիան» արտագնա խաղում հաղթեց «Կոպենհագենին» Չեմպիոնների Լիգայի խմբային փուլի 2-րդ տուրի խաղում (1։2):
Մյունխենցիների հարձակվող Թոմաս Մյուլերը փոխարինման է դուրս եկել 77-րդ րոպեին։ Մյուլերի համար այս հաղթանակը 101-րդն էր Չեմպիոնների Լիգայում իր կարիերայի ընթացքում։ Այս ցուցանիշով գերմանացին հավասարվում է իսպանացի լեգենդար դարպասապահ Իկեր Կասիլյասին։ Չեմպիոնների Լիգայում ավելի շատ է հաղթել միայն հարձակվող Կրիշտիանու Ռոնալդուն՝ 115 հաղթանակ։
Մյուլերը «Բավարիայում» հանդես է գալիս 2009 թվականից։ Transfermarkt ինտերնետ-պորտալը ֆուտբոլիստի արժեքը գնահատում է 12 միլիոն եվրո: Այս մրցաշրջանում ֆուտբոլիստը բոլոր մրցաշարերում մասնակցել է վեց հանդիպման, որոնցում 1 գոլային փոխանցում է կատարել:
