Լևերկուզենի «Բայերի» գլխավոր մարզիչ Խաբի Ալոնսոն պատասխանել է Մադրիդի «Ռեալ» իր հնարավոր հեռանալու մասին լուրերին։
««Ռեա՞լ»։ Սեպտեմբեր ամիսն է, դեռ շատ շուտ է։ Ես կենտրոնանում եմ «Բայերի» խաղերի վրա: Մենք լավ սկսեցինք մրցաշրջանը, ցանկանում ենք, որ բոլոր ֆուտբոլիստները կենտրոնացված լինեն։ Ուստի ես պետք է առաջինը լինեմ այս հարցում»,- Ալոնսոյի խոսքերն է մեջբերում Marca-ն։
Հիշեցնենք, որ ավելի վաղ հաղորդվում էր, որ Խաբի Ալոնսոն Մադրիդի «Ռեալի» ներկայիս գլխավոր մարզիչ Կառլո Անչելոտտիին փոխարինելու հիմնական թեկնածուներից է, ում պայմանագիրն ակումբի հետ ավարտվում է հաջորդ ամառ։ Այս պահին «Բայերը», որը 41-ամյա Ալոնսոն գլխավորել է դեռ մեկ տարի առաջ, 13 միավորով երկրորդն է Բունդեսլիգայի մրցաշարային աղյուսակում։ Գերմանիայի առաջնության 6-րդ տուրի խաղում Լևերկուզենը կխաղա «Մայնցի» հետ։
