«Այաքսը» դադարեցրել է համագործակցությունը ֆուտբոլային տնօրեն Սվեն Միսլինտատի հետ, ով ցանկանում էր թիմ հրավիրել «Կրասնոդարի» կիսապաշտպան Էդուարդ Սպերցյանին։ Այս որոշման պատճառը ակումբի ներսում համատարած աջակցության բացակայությունն է՝ թիմի վատ արդյունքների պատճառով։
«Ավելի լայն աջակցությունը վերականգնելու տարբեր փորձերը չեն հասել ցանկալի արդյունքի, և դա հանգեցնում է անկարգությունների ակումբի ներսում, այդ թվում՝ հիասթափեցնող ելույթների պատճառով: Սվենը վերջին ամիսներին շատ հավատարիմ է եղել «Այաքսին», ինչի համար մենք շնորհակալ ենք։
Այժմ ակումբի շահերից է բխում համախմբված ուժերով որքան հնարավոր է շուտ վերադառնալ մարզական աճին»,- Ամստերդամյան ակումբի պաշտոնական կայքը մեջբերում է տնօրենի ժամանակավոր պաշտոնակատար Յան վան Հուլստի խոսքերը։
Միսլինտատը պաշտոնապես ստանձնեց իր պարտականությունները որպես ակումբի գործադիր տնօրեն 2023 թվականի մայիսին։ Այս ընթացքում թիմը չորս հանդիպում է անցկացրել Հոլանդիայի առաջնությունում, որտեղ վաստակել է հինգ միավոր եւ զբաղեցնում է 14-րդ տեղը։ «Այաքսը» մասնակցել է նաև Եվրոպայի լիգայի խմբային փուլին՝ «Մարսելի» հետ խաղում 3։3 հաշվով։
