«Ռեալ Սոսյեդադի» 22-ամյա վինգեր Տակեֆուսա Կուբոն կարող է վերադառնալ Մադրիդի «Ռեալ», այս մասին տեղեկացել են Todofichajes-ի լրագրողները։
Կողմերը կարող են քննարկել հնարավոր գործարքը հունվարյան տրանսֆերային պատուհանի ժամանակ: Ճապոնացու վերադարձը կարժենա մոտավորապես 30 միլիոն եվրո։
Ճապոնացու պայմանագիրն ակումբի հետ ուժի մեջ է մինչև 2026/27 մրցաշրջանի ավարտը։ Իսպանիայի մեկնարկած առաջնությունում Կուբոն հինգ հանդիպում է անցկացրել։ Կիսապաշտպանը դարձել է երեք գոլի և մեկ գոլային փոխանցման հեղինակ:
