Պորտուգալացի պաշտպան Ժոաու Կանսելուն, ով ամռանը «Մանչեսթեր Սիթիից» վարձավճարով տեղափոխվել է «Բարսելոնա», պատմել է կատալոնական ակումբում մնալուց իր հույզերի մասին։
«Ես ցանկանում եմ շատ բանի հասնել այս ակումբի հետ, քանի որ միշտ իմ երազանքն է եղել խաղալ այստեղ: Սա երազանքների ակումբ է, իմ բոլոր ընկերները գիտեն, որ իմ բոլոր կուռքերը խաղացել են «Բարսելոնայում»։
Ես միշտ ցանկանում եմ խաղալ «Բարսայի» մարզաշապիկով և ցույց տալ երկրպագուներին ու մարդկանց, ովքեր հավատում էին ինձ, թե որքան դժվար էր «Բարսա» տեղափոխվելը։
Մարզիչն ինձ մի փոքր ազատություն է տալիս, և դա ինձ դուր է գալիս։ Ես ինձ հարմարավետ եմ զգում՝ խաղալով եզրում, թե ոչ։ Ես կհարմարվեմ այն ամենին, ինչ Չավին կխնդրի ինձանից»,- ֆուտբոլիստի խոսքերն է մեջբերում Barca Universal-ը։
