«Նապոլիի» հարձակվող Խվիչա Կվարացխելիայի հայրը՝ Բադրի Կվարացխելիան, պատասխանել է ֆուտբոլիստի աշխատավարձի մասին տեղեկություններին։
Ավելի վաղ հաղորդվում էր, որ նեապոլիտանական ակումբում 22-ամյա վրացու աշխատավարձը կազմում է ընդամենը մեկ միլիոն եվրո՝ սա 18-20-րդն է թիմի բոլոր ֆուտբոլիստների մեջ։
«Խվիչան աշխատավարձի խնդիր չունի։ Մենք երբեք չենք անդրադարձել այս թեմային, քանի որ ֆուտբոլը նրա համար առաջին տեղում է»,- CalcioNapoli24-ին ասել է Բադրին:
Խվիչայի հայրը հավելել է, որ ֆուտբոլիստը չի ծրագրում հեռանալ «Նապոլիից» և բոլոր ջանքերը կգործադրի թիմի հաջողության համար։
