«Բարսելոնայի» գլխավոր մարզիչ Չավին որոշել է, թե որ դիրքում է օգտագործելու թիմի նորեկ Ժոաու Ֆելիշին, ով վարձավճարով տեղափոխվել է Մադրիդի «Ատլետիկոյից»։
Լրագրող Ֆերան Մարտինեսի խոսքով՝ Չավին պատրաստվում է Ֆելիշին օգտագործել եզրային հարձակվողի դիրքում։ Մասնագետը հույս ունի, որ պորտուգալացին լավ կհամագործակցի թիմի եզրային պաշտպան Ալեխանդրո Բալդեի հետ։
Նշենք, որ Ֆելիշը վարձավճարով «Ատլետիկոյից» տեղափոխվեց «Բարսելոնա»։ Ակումբների միջև պայմանագիրը նախատեսված է մինչև 2024 թվականի հունիսի 30-ը և չի նախատեսում գնման տարբերակ։
Անցած մրցաշրջանում 23-ամյա ֆուտբոլիստը «Ատլետիկոյի» կազմում անցկացրել է 40 հանդիպում բոլոր մրցաշարերում՝ դառնալով 9 գոլի և 3 գոլային փոխանցման հեղինակ։
