ՊՍԺ-ն պատրաստ է վաճառել թիմի հարձակվող Կիլիան Մբապպեին 250 միլիոն եվրոյով, հայտնում է AS-ը։
Աղբյուրի համաձայն՝ փարիզյան ակումբը դեռ սպասում է Մադրիդի «Ռեալի» առաջարկին։
Հաղորդվում էր, որ Մբապպեն ՊՍԺ-ի ղեկավարությանը խոստացել է 2024 թվականի ամռանը պայմանագրի ավարտից հետո թիմը չհեռանալ անվճար տրանսֆերով։
Ավելի վաղ հաղորդվում էր, որ Մադրիդի «Ռեալը» ՊՍԺ-ին Մբապպեի տրանսֆերային պատուհանի փակվելուց առաջ առաջարկ կանի։
24-ամյա Կիլիան Մբապպեն անցած մրցաշրջանում ՊՍԺ-ի կազմում անցկացրել է 43 հանդիպում՝ դառնալով 41 գոլի և 10 գոլային փոխանցման հեղինակ։
