«Բարսելոնայի» գլխավոր մարզիչ Չավի Էրնանդեսը հերքել է լուրերն այն մասին, որ հարձակվող Անսու Ֆատին կարող է տեղափոխվել Մադրիդի «Ռեալ»։ Իսպանացի ֆուտբոլիստին վերջերս մամուլը կապում էր «Ռեալ» տեղափոխվելու հետ:
«Ֆատին կտեղափոխվի՞ «Ռեալ». Սա կատակ է, ճի՞շտ եմ ասում: Ես արդեն ասել եմ, որ Ֆատին ակումբի ժառանգությունն է։ Նա կարևոր ֆուտբոլիստ է, ես ցանկանում եմ, որ նա մնա։ Ֆատին «Բարսելոնայի» ներկան ու ապագան է»,- մամուլի ասուլիսի ժամանակ ասել է Չավին։
Նախկինում լուրեր էին շրջանառվում, որ «Բարսելոնան» ցանկանում է վաճառել Ֆատիին՝ այլ տրանսֆերներ ֆինանսավորելու համար: Սակայն ֆուտբոլիստը մի քանի անգամ հասկացրեց, որ չի պատրաստվում հեռանալ թիմից։
