«Ալ-Իթթիֆադի» գլխավոր մարզիչ Սթիվեն Ջերարդը «Լիվերպուլի» հարձակվող Մոհամեդ Սալահին համարում է իր սիրելի ֆուտբոլիստը և խոստացել է, որ չի փորձի նրա հետ պայմանագիր կնքել Սաուդյան Արաբիայի ակումբում:
«Մոհամեդ Սալահն իմ սիրելի ֆուտբոլիստն է։ Ես սիրում եմ «Լիվերպուլը», ուստի Սալահը կմնա այնտեղ, որտեղ կա»,- ասել է Ջերարդը Sada Al Mala’eb-ին տված հարցազրույցին:
«Լիվերպուլի» նախկին կիսապաշտպան և ավագ Սթիվեն Ջերարդը մարզչական կարիերան սկսել է 2017 թվականին մերսիսայդյան ակումբի երիտասարդական համակարգում։ 2019 թվականին անգլիացի մասնագետը գլխավորեց «Ռեյնջերսը», իսկ երեք տարի անց նա եկավ «Ասթոն Վիլա», որտեղ աշխատեց մեկ տարուց էլ քիչ ժամանակ՝ 2022 թվականի հոկտեմբերին Ջերարդը հեռացվեց թիմի արդյունքների պատճառով։ 2023 թվականի հուլիսին մարզիչը գլխավորել է Սաուդյան «Ալ-Իթթիֆադը»։
