«Ինտերը» ուղարկել է «Ատլետիկոյին» հարձակվող Ալվարո Մորատային գնելու առաջին առաջարկը, հայտնում է Football Italia-ն:
Աղբյուրի համաձայն՝ «ներաձուրիները» նոր հարձակվող են փնտրում այն բանից հետո, երբ որոշել են հրաժարվել Ռոմելու Լուկակուից: Իտալական ակումբը 30-ամյա իսպանացու համար առաջարկել է 15 մլն եվրո։
Անցած մրցաշրջանում Մորատան «Ատլետիկոյի» կազմում 45 հանդիպում է անցկացրել բոլոր մրցաշարերում՝ դառնալով 15 գոլի և 3 գոլային փոխանցման հեղինակ։ Ֆուտբոլիստի պայմանագիրը նախատեսված է մինչև 2024 թվականի ամառ։ Transfermarkt-ը ֆուտբոլիստի արժեքը գնահատում է 20 միլիոն եվրո: