Մադրիդի «Ռեալը» իր պաշտոնական կայքում հրապարակել է 2022/23 մրցաշրջանի ֆինանսական հաշվետվությունը։
Ակումբի շահույթը կազմել է 11,8 մլն եվրո։ Նախորդ մրցաշրջանի համեմատ այն նվազել է 1 մլն եվրոյով։ Այնուամենայնիվ, մադրիդցիների եկամուտները նկատելիորեն աճել են և առաջին անգամ գերազանցել մինչ համաճարակային մակարդակը։
2021/22 մրցաշրջանում Մադրիդի «Ռեալի» եկամուտը կազմել է 722 միլիոն եվրո։ Անցած մրցաշրջանի վերջում այն բարձրացավ մինչև 843 միլիոն եվրո։
Ակումբի պարտքը 263 միլիոն եվրոյից կրճատվել է 47 միլիոն եվրոյի։ Այնուամենայնիվ, այս թիվը չի ներառում մարզադաշտի վերանորոգման հետ կապված ծախսերը կամ պարտքերը, որոնք 538 միլիոն եվրոյից հասել են 893 միլիոն եվրոյի:
