«Ռոման» մեծ հետաքրքրություն է ցուցաբերում «Բավարիայի» ավստրիացի կիսապաշտպան Մարսել Զաբիցերի նկատմամբ։ Հռոմեական ակումբը ցանկանում է վարձավճարով գնել ֆուտբոլիստին, հայտնում է La Gazzetta dello Sport-ը:

Աղբյուրի տեղեկություններով՝ «Ռոման» արդեն կապ է հաստատել մյունխենյան ակումբի ղեկավարության հետ և հարցրել 29-ամյա ֆուտբոլիստին վարձավճարով գնելու հնարավորության մասին։ Սակայն «Բավարիային» կբավարարի ավստրիացի կիսապաշտպանի ամբողջական վաճառքի տարբերակը։

Հիշեցնենք, որ 2022/2023 մրցաշրջանի առաջին հատվածը Զաբիցերն անցկացրել է «Բավարիայում», իսկ 2023 թվականի հունվարի 31-ին «Մանչեսթեր Յունայթեդը» պայմանագիր է կնքել մյունխենցիների հետ՝ խաղացող վարձակալելու համար։ Մարսելը «կարմիր սատանաների» կազմում մասնակցել է 14 հանդիպման՝ դառնալով մեկ գոլի և մեկ գոլային փոխանցման հեղինակ։ Ավստրիացու պայմանագիրը «Բավարիայի» հետ նախատեսված է մինչև 2025 թվականի ամառը։