«Չելսին», «Մանչեսթեր Յունայթեդը» և ՊՍԺ-ն վերջին պահին փորձում են խլել «Ատլետիկո Պարանաենսեի» հարձակվող Վիտոր Ռոկեին, հայտնում է Sport.es-ը: Ավելի վաղ հաղորդվում էր, որ «Բարսելոնան» արդեն համաձայնեցրել է 18-ամյա բրազիլացու տրանսֆերը 35 միլիոն եվրոյի դիմաց։
Աղբյուրի համաձայն՝ չնայած դրան, վերոնշյալ ակումբները պատրաստ են մեծ գումար առաջարկել հարձակվողի համար, և նա ինքն էլ կարող է բարելավել անձնական պայմանագրի պայմանները՝ համեմատած կատալոնացիների առաջարկի հետ։
2023 թվականին Ռոկեն ակումբի կազմում անցկացրել է 25 հանդիպում բոլոր մրցաշարերում՝ դառնալով 10 գոլի և 5 գոլային փոխանցման հեղինակ։ Portal Transfermarkt-ը նրա արժեքը գնահատում է 18 միլիոն եվրո:
