Իտալացի մասնագետ 45-ամյա Ջենարո Գատուզոն մերժել է Սաուդյան Արաբիայի Պրոֆեսիոնալ Լիգայի թիմերի մի քանի առաջարկներ, և նույնիսկ Սաուդյան Արաբիայի վարչապետ Մուհամեդ բեն Սալմանի հետ հեռախոսազրույցը չի փոխել նրա կարծիքը, հայտնում է Calciomercato-ն:
Հիշեցնենք, որ Ա Սերիայի մարզիչներ Մասիմիլիանո Ալեգրին և Ժոզե Մոուրինյոն արդեն մերժել են սաուդյան ակումբների առաջարկները, և մի քանի խաղացողներ համաձայնել են տեղափոխվել մերձավորարևելյան այս երկիր:
Աղբյուրի համաձայն՝ Գատուզոն ցանկանում է մնալ Եվրոպայում՝ «Վալենսիայում»՝ դժվար շրջանից հետո մարզչական կարիերան վերսկսելու համար: «Միլանի» նախկին կիսապաշտպանին վերջին ամիսներին մի քանի անգամ դիմել են, սակայն մինչ այժմ ոչ մի առաջարկ Ջենարոյի համար բավական համոզիչ չի եղել:
Գատուզոյի վերջին աշխատանքը եղել է իսպանական «Վալենսիան», որը նա մարզել է 2022 թվականի հուլիսից մինչև 2023 թվականի հունվարը։ Նախկինում Ջենարոն աշխատել է նաև «Նապոլիում», «Միլանում» և իտալական մի շարք այլ թիմերում։
