«Ռոման» ՈւԵՖԱ-ին կվճարի մոտ 5 միլիոն եվրո տուգանք ֆինանսական ֆեյր-փլեյի կանոնները չկատարելու համար։ Ըստ CalcioMercato-ի, հունիսի 30-ին «Ռոման» կարողացավ ապահովել մոտ 26 միլիոն եվրո կապիտալի շահույթ: 100% հաշվեկշիռը բավարարելու համար ակումբին անհրաժեշտ էր հասնել 28 միլիոն եվրոյից մի փոքր ավելի կապիտալ շահույթի: Արդյունքում՝ ՈւԵՖԱ-ն տուգանեց «Ռոմային» մոտ 5 միլիոն եվրոյով։
Ֆինանսական ֆեյր-փլեյի ավելի լուրջ խախտումների դեպքում տուգանքը կարող էր կազմել մինչեւ 50 մլն եվրո։ Բացի այդ, «Ռոմային» սպառնում էր նաև հայտացուցակում խաղացողների թվի կրճատում՝ 25-ից 23-ի կամ արգելել մասնակցել եվրոպական մրցաշարերին։
Կապիտալ շահույթ ստանալու համար «Ռոման» ստիպված էր վաճառել Բենջամին Թահիրովիչին, Ջասթին Կլյուվերտին, Քրիստիան Վոլպատոյին, Ֆիլիպո Միսորիին, Ռուբեն Պրովիդենսին և Կարլես Պերեսին: Հաղորդվում է, որ առաջարկներ են եղել նաև Նիկոլա Զալևսկու և Ռոջեր Իբանեսի համար, սակայն ակումբը որոշել է այլևս ֆուտբոլիստներ չվաճառել և որոշել է վճարել տուգանքը: Բացի այդ, «Ռոման» կկարողանա նոր խաղացողներ ձեռք բերել առանց ՈւԵՖԱ-ի կողմից սահմանափակման:
