Հունիսի 20-ին Շվեյցարիայի Նիոն քաղաքում կայացան ՈՒԵՖԱ Չեմպիոնների Լիգայի և ՈՒԵՖԱ կոնֆերենցիաների լիգայի որակավորման առաջին փուլի վիճակահանությունները:

Հայաստանի չեմպիոն «Ուրարտուն» կմրցի Բոսնիա և Հերցեգովինայի չեմպիոն «Զրինսկի» թիմի հետ։

Թիմերի առաջին հանդիպումը կկայանա հուլիսի 11-ին կամ 12-ին Երևանում, պատասխան հանդիպումը՝ հուլիսի 18-ին կամ 19-ին։

Կոնֆերենցիաների լիգայի որակավորման առաջին փուլում «Փյունիկի» մրցակիցը կլինի էստոնական «Նարվան», «Արարատ-Արմենիան» կմրցի ալբանական «Էգնատիայի» հետ, իսկ «Ալաշկերտը» կփորձի հաղթահարել  չեռնոգորական «Արսենալ Տիվատի» արգելքը:

Թիմերի առաջին հանդիպումները կկայանան հուլիսի 13-ին Երևանում, պատասխան հանդիպումները՝ հուլիսի 20-ին:

Հաշվի առնելով, որ հայկական բոլոր ակումբները ներկայացնում են Երևանը, հնարավոր է հանդիպումների անցկացման օրվա և վայրի փոփոխություն լինի ՈՒԵՖԱ-ի կողմից։