Մադրիդի «Ռեալի» պաշտպան Անտոնիո Ռյուդիգերն արձագանքել է այն լուրերին, թե «Չելսիի» հարձակվող Կայ Հավերցը կարող է համալրել Մադրիդի «Ռեալը»։
«Ուրախ կլինեմ կրկին խաղալ Հավերցի հետ նույն ակումբում: Ցավոք սրտի, ես շատ բան չեմ կարող ասել այդ մասին: Տրանսֆերների թեմայում իմ կարծիքը երկրորդական է։ Սրանք ակումբային որոշումներ են»,- ֆուտբոլիստի խոսքերը մեջբերում է AS-ը։
Ավելի վաղ հաղորդվում էր, որ Մադրիդի «Ռեալը» դիտարկում է 24-ամյա գերմանացու տրանսֆերի հնարավորությունը ամառային տրանսֆերային պատուհանի ժամանակ, սակայն չափազանց բարձր է համարում «Չելսիի» պահանջները, որը ցանկանում է ֆուտբոլիստի համար ստանալ 60 միլիոն եվրո։
