«Ինտերի» գլխավոր մարզիչ Սիմոնե Ինձագին խոսել է «Մանչեսթեր Սիթիի» խաղի մասին, որի հետ միլանցիները խաղալու են Չեմպիոնների Լիգայի եզրափակչում։
«Մենք հաճույք ենք ստանում այն ամենից, ինչ արել ենք, չենք ուզում կանգ առնել, և եթե այստեղ լինենք, մենք ցանկանում ենք լավագույնս խաղալ եզրափակիչում: Մենք բոլորս գիտենք, որ «Մանչեսթեր Սիթին» աշխարհի ամենաուժեղ ակումբն է, բայց մենք կխաղանք տասնմեկը տասնմեկի դիմաց։ Դա ֆանտաստիկ ճանապարհորդություն էր, և մենք այստեղ ենք՝ ցուցադրելու մեր հաղթաթուղթները»,- Ինձագիի խոսքերը մեջբերում է Sky Italia-ը:
Հիշեցնենք, որ Չեմպիոնների Լիգայի եզրափակիչը կկայանա այսօր Ստամբուլում։ Հանդիպումը կմեկնարկի Երևանի ժամանակով՝ 23:00-ին:
