«Մանչեսթեր Յունայթեդի» կիսապաշտպան Բրունու Ֆերնանդեշը խոսել է «Բենֆիկայի» հարձակվող Գոնսալու Ռամուշի մասին։
«Կարծում եմ՝ Ռամուշը ունի բոլոր հնարավորությունները՝ խաղալու Պրեմիեր Լիգայում: Նա շատ ինտենսիվ է խաղում և լավ է գործում տուգանային հրապարակում: Ակնհայտ է, որ Ռամուշը դեռ շատ երիտասարդ է և կարող է ավելի ուժեղանալ։
Եթե նա շարունակի աշխատել այնպես, ինչպես աշխատել է մինչ այժմ, ես կարծում եմ, որ նա ներուժ ունի դառնալու աշխարհի լավագույն հարձակվողներից մեկը»,- ֆուտբոլիստի խոսքերն է մեջբերում Record-ը։
Այս մրցաշրջանում 21-ամյա հարձակվողը «Բենֆիկայի» կազմում բոլոր մրցաշարերում անցկացրել է 47 հանդիպում՝ դառնալով 27 գոլի և 12 գոլային փոխանցման հեղինակ:
