Իսպանիայի ազգային ոստիկանությունը հայտնաբերել և ձերբակալել է երեք երկրպագուի, ովքեր ռասիստական հայհոյանքներ են հնչեցրել Մադրիդի «Ռեալի» հարձակվող Վինիսիուս Ժունիորի հասցեին Լա Լիգայի «Վալենսիայի» դեմ խաղում։ Այս մասին հայտարարել է Վալենսիայի համայնքի կառավարական պատվիրակ Պիլար Բեռնաբեն։
Նա նշել է, որ պետական անվտանգության պաշտոնյաները շարունակում են աշխատել Մեստալյա մարզադաշտի հսկողության տեսախցիկների ձայնագրությունների հետ՝ մյուս իրավախախտներին հայտնաբերելու համար:
Հարցին, թե արդյոք իշխանությունները մտածում են ռասիզմի դեմ պայքարի համար որևէ քայլ ձեռնարկելու մասին, Բեռնաբեն ասաց, որ Գերագույն սպորտային խորհուրդն արդեն սկսել է աշխատել ինչպես Լա Լիգայի, այնպես էլ Իսպանիայի ֆուտբոլի ֆեդերացիայի հետ՝ որպես ֆուտբոլային դաշտերում ռասիզմի դեմ արշավի մի մաս:
