«Բավարիայի» ղեկավարման խորհրդի անդամ Օլիվեր Կանը մեկնաբանել է «Նապոլիի» հարձակվող Վիկտոր Օսիմհենի տրանսֆերի մասին լուրերը:
Հիշեցնենք, որ նեապոլիտանական թիմի նախագահ Աուրելիո դե Լաուրենտիսը նիգերիացու համար պահանջում է 150 միլիոն եվրո։
«150 միլիոն եվրո Օսիմհենի համար. Երբ խոսքը գնում է նման գումարի մասին, արժե հարց տալ՝ կա՞ երաշխիք, որ ֆուտբոլիստը համարժեք կխաղա նման գումարի դիմաց։
Դա հսկայական ռիսկ կլինի»,- Կանի խոսքը մեջբերում է Bild-ը։
Օսիմհենն այս մրցաշրջանում Իտալիայում դարձել է 23 գոլի հեղինակ։
Նիգերիացին Ա Սերիայի լավագույն ռմբարկուն է այս մրցաշրջանում:
Ֆուտբոլիստի ծառայություններով հետաքրքրված է նաև Լոնդոնի «Չելսին»։
