«Չելսիի» կիսապաշտպան Ռուբեն Լոֆտուս-Չիկը շարունակում է մնալ «Միլանի» տրանսֆերային թիրախը, հայտնում է ինսայդեր Ռուդի Գալետին:
Աղբյուրի համաձայն՝ «ռոսոներիները» պատրաստվում են «թոշակառուներին» առաջարկ անել ֆուտբոլիստի տրանսֆերի համար։
Իր հերթին անգլիական ակումբը դեմ չէ հաջորդ ամառ բաժանվել ֆուտբոլիստից։ Պոտենցիալ գործարքի արժեքը գնահատվում է 25 մլն եվրո։
Անգլիական Պրեմիեր Լիգայի ընթացիկ խաղարկությունում կիսապաշտպանը 20 խաղի է մասնակցել։
Ֆուտբոլիստի և «Չելսիի» միջև գործող աշխատանքային պայմանագիրը նախատեսված է մինչև 2024 թվականի կեսերը:
