Սաուդյան Արաբիայի առաջնությունում ծրագրում են ամռանը գործարկել լայնածավալ տրանսֆերային ընկերություն, հայտնում է Footmercato-ն:
Աղբյուրի համաձայն՝ Սաուդյան Արաբիայի կառավարությունը ծրագրում է լուրջ ներդրումներ կատարել առաջնությունում։ Երկրի ղեկավարությունը ցանկանում է, որ առաջնության լավագույն չորս ակումբներից յուրաքանչյուրն ունենա իր գերաստղը:
«Ալ–Հիլալը», «Ալ–Իթթիհադը» և «Ալ–Ահլին» ուժեղացման կարիք ունեն: «Ալ–Հիլալը» հետաքրքրված է ՊՍԺ–ի հարձակվող Լիոնել Մեսսիի ծառայություններով:
Ակումբը պատրաստ է նրան դարձնել աշխարհի ամենաբարձր վարձատրվող ֆուտբոլիստը։ «Ալ–Ահլին» մտադիր է ձեռք բերել Մադրիդի «Ռեալի» կիսապաշտպան Լուկա Մոդրիչին:
Ավելի վաղ հաղորդվում էր, որ խորվաթին չի հետաքրքրում գործարքը և շուտով կերկարաձգիպայմանագիրը Մադրիդի «Ռեալի» հետ։
Մադրիդի «Ռեալի» հարձակվող Կարիմ Բենզեման կարող է տեղափոխվել «Ալ–Իթիհադ»։ Նշվում է, որ ֆրանսիացին արդեն քննարկել է պայմանագրի կետերը սաուդյան թիմի ղեկավարության հետ։
