«Բավարիան» փնտրում է ակումբ, որը պատրաստ կլինի պայմանագիր կնքել թիմի հարձակվող Սադիո Մանեի հետ:
Ինչպես հայտնում է Bild-ը, գերմանական ակումբի ֆուտբոլիստները դժգոհ են 31-ամյա ֆուտբոլիստից այն բանից հետո, երբ նա հարվածել է Լերոյ Սանեի դեմքին։ «Մանչեսթեր Սիթիից» կրած 0:3 հաշվով պարտությունից հետո հանդերձարանում տեղի ունեցած միջադեպը ցնցել է «Բավարիայի» ֆուտբոլիստներին, քանի որ Մանեն առանց որևէ հատուկ պատճառի հարվածել է Սանեին:
Հաղորդվում է նաև, որ «Բավարիան» կներառի սենեգալցուն «Նապոլիի» հարձակվող Վիկտոր Օսիմհենի դիմաց, սակայն նման գործարքն անհնար է իրականացնել, քանի որ Մյունխենում Մանեն ստանում է տարեկան առնվազն 10 միլիոն եվրո աշխատավարձ:
«Նապոլին» չի կարող այդքան վճարել։ Եթե «Բավարիան» Մանեի հարցում հայտ ստանա, նրանք պատրաստ կլինեն բանակցել։
Մանեն «Բավարիայում» հանդես է գալիս 2022 թվականի ամառից։ Այս մրցաշրջանում նա բոլոր մրցաշարերում անցկացրել է 35 հանդիպում՝ դառնալով 12 գոլի և 5 գոլային փոխանցման հեղինակ։
