Մադրիդի «Ռեալի» գլխավոր մարզիչ Կառլո Անչելոտտին խոսել է մադրիդյան ակումբում իր ապագայի մասին և մեկնաբանել այն լուրերը, թե ինքը կարող է գլխավորել Բրազիլիայի հավաքականը։
«Ես չեմ զարմանում, որ խոսակցություններ կան։ Բայց դա ինձ չի անհանգստացնում: Հուսով եմ, որ կմնամ այստեղ այնքան ժամանակ, քանի դեռ «Ռեալը» թույլ կտա ինձ։ Ես լավ հարաբերություններ ունեմ ակումբի, նախագահի, ֆուտբոլիստների և երկրպագուների հետ։
Այնպես որ, ես հանգիստ եմ: Այս մի քանի ամսում մենք կփորձենք տիտղոսներ նվաճել, իսկ հետո, հուսով եմ, կշարունակենք։ Հուսով եմ, որ կավարտվի պայմանագիրս, քանի որ հաճույք եմ ստանում այս ակումբում լինելուց: Ինչ եղավ հետո, ես չգիտեմ: Ոչ ոք չգիտի, թե ինչ կարող է լինել ապագայում։
Եթե Բրազիլիայի հավաքականին ես պետք եմ, դա հուզիչ է և լավ լսելը: Բայց ես հարգում եմ իմ պայմանագիրը։ Չեմ ճանաչում Բրազիլիայի ֆուտբոլի ֆեդերացիայի նախագահին։ Եթե նա ցանկանում է խոսել ինձ հետ, ես կխոսեմ նրա հետ և կողջունեմ նրան»,- մարզչի խոսքերը մեջբերում է Goal-ը։
