Մադրիդի «Ռեալի» նախկին հարձակվող Ռաուլ Գոնսալեսը կարող է գլխավորել այն բանից հետո, երբ Կառլո Անչելոտտին հեռանա գլխավոր մարզիչի պաշտոնից, հայտնում է AS-ը։
Աղբյուրի համաձայն՝ մադրիդյան ակումբը կարծում է, որ նա պատրաստ է այս պաշտոնին։ Ռաուլի առաջնորդական որակները, խարիզման, ակումբի իմացությունն ու հմտությունները խոսում են առաջին թիմի գլխավոր մարզչի պաշտոնում Ռաուլի թեկնածության օգտին։
Անձամբ 45-ամյա մասնագետը, կարիերան շարունակելու առաջնահերթ տարբերակ է ընկալում Մադրիդի «Ռեալի» գլխավոր թիմում աշխատանքը։ Եթե մադրիդյան թիմը գլխավորելու տարբերակը չներկայանա, նա կընդունի Պրեմիեր Լիգայի ակումբների ցանկացած առաջարկ։
Ռաուլը ներկայումս գլխավորում է «Կաստիլյան», որը 4-րդն է Իսպանիայի երրորդ դիվիզիոնում։
Անչելոտտիի պայմանագիրը «Ռեալի» հետ նախատեսված է մինչև 2024 թվականի ամառը։ Թիմը Լա Լիգայում երկրորդն է՝ առաջատար «Բարսելոնայից» հետ մնալով 9 միավորով:
