«Ռոմայի» գլխավոր մարզիչ Ժոզե Մոուրինյոն մեկնաբանել է իր թիմի հաղթանակը «Զալցբուրգի» դեմ Եվրոպա Լիգայի 1/16-րդ եզրափակիչ դուրս գալու համար խաղում (2:0)։
«Սա հիանալի «Ռոմա» էր, որը կարևոր արդյունքի հասավ և լավ հանդես եկավ բոլոր մակարդակներում: Մենք տեսանք սերտ թիմ: Ինձ շատ դուր եկավ։ Պետք է նաև գովաբանեմ ակումբի անձնակազմին, նրանք հիանալի աշխատանք կատարեցին: Ես միշտ ասում եմ, որ մարզիչները գովասանքի են արժանանում այն աշխատանքի համար, որ անում են բոլոր աշխատակիցները:
Բայց մեր վերլուծաբաններն իսկապես տքնաջան աշխատանք են կատարել՝ օգնելով մեզ պատրաստվել այս հանդիպմանը: Սա հաղթանակ էր Չեմպիոնների Լիգայում հանդես եկող թիմի դեմ՝ համալրված որակյալ ֆուտբոլիստներով»,- Մոուրինյոյի խոսքերն է մեջբերում Sky Sport Italia-ն:
