«Միլանի» գլխավոր մարզիչ Ստեֆանո Պիոլին ամփոփել է Ա Սերիայում «Մոնցայի» դեմ հանդիպումը (1:0)։
«Երբ պետք է պաշտպանվել, պետք է դա անել ամբողջ թիմով՝ գործելով եռանդով և ինտենսիվությամբ: Մենք կարող ենք ավելի լավ խաղալ, բայց «Մոնցան» հիանալի անցկացրեց երկրորդ խաղակեսը, և մենք զգացինք վերջին շաբաթվա ճնշումը՝ ծանր թե՛ ֆիզիկապես, թե՛ մտավոր:
Մենք հնարավորություններ ունեինք ավելի շատ գոլ խփելու։ Հաշվի առնելով ստեղծված իրավիճակը՝ անհրաժեշտ է ամրապնդել հավատը մեր հանդեպ և հասնել արդյունքների։
Կարծում եմ, որ առաջին խաղակեսում մենք շատ լավ էինք գործում: Հարձակվողները պետք է ավելի վճռական լինեին՝ փորձելով հաղթահարել «Մոնցայի» ճնշումը, բայց ընդհանուր առմամբ բոլորն աշխատում են որպես միավոր։ Մենք վերադարձել ենք ճիշտ ուղու վրա։ Հաջորդ քայլը գրոհները սեփական դարպասից ավելի լավ սկսելն է, կայունության հասնելն ու ավելի շատ հնարավորություններ ստեղծելը:
Նման դժվարին երեք հաղթանակներից հետո մենք պետք է վերականգնվենք և պատրաստվենք «Ատալանտայի» դեմ խաղին: Չեմպիոնների լիգայում մենք նույնպես մեզ ապահով չխաղացինք, բայց եթե անառիկ պահենք դարպասը, ապա կկարողանանք շարունակել հաղթել մինչև մրցաշրջանի ավարտը»,- ասել է Պիոլին DAZN-ին տված հարցազրույցում:
