Անգլիացի կիսապաշտպան Ջուդ Բելինգհեմը, ամենայն հավանականությամբ, ամառային տրանսֆերային պատուհանի ընթացքում Դորտմունդի «Բորուսիայից» կտեղափոխվի բարձրակարգ ակումբ:
19-ամյա ֆուտբոլիստին ձեռք բերելու գլխավոր հավակնորդները համարվում են «Լիվերպուլն» ու Մադրիդի «Ռեալը»։ Այնուամենայնիվ, «Նյուքասլը» նույնպես պատրաստվում է պայքարել Բելինգհեմի համար, հաղորդում է Bild-ը:
«Կաչաղակները» նույնպես հույս ունեն ՉԼ-ի ուղեգիր նվաճել, ինչը նրանց կտրուկ կդարձնի նորեկների համար շատ ավելի գրավիչ: «Նյուքասլը» ԱՊԼ-ի մրցաշարային աղյուսակի երրորդ տեղում է։
Ֆուտբոլիստի տրանսֆերային արժեքը կազմում է 110 միլիոն եվրո:
