Իսպանիայի հավաքականի կենտրոնական պաշտպան Դիեգո Լյորենտեն անգլիական «Լիդսից» վարձավճարով տեղափոխվել է իտալական «Ռոմա», հայտնում է ակումբի մամուլի ծառայությունը:
29-ամյա ֆուտբոլիստը հռոմեական ակումբում կխաղա մինչև ընթացիկ մրցաշրջանի ավարտը: Լյորենտեն «Ռոմայում» ելույթ կունենա «14» համարի մարզաշապիկով:
Հիշեցնենք, որ Լյորենտեն Մադրիդի «Ռեալի» սան է, «Լիդսում» խաղում էր 2020 թվականի սեպտեմբերից:
Ընթացիկ մրցաշրջանում իսպանացին անգլիական ակումբի կազմում մասնակցել է 13 հանդիպման: