«Բարսելոնայի» գլխավոր մարզիչ Չավին Ուսման Դեմբելեի վնասվածքից հետո խնդրել է ավելացնել հարձակման գծերը, սակայն ակումբը չի կարողանում նոր ֆուտբոլիստ ձեռք բերել ֆինանսական ֆեյր-փլեյի պատճառով, հայտնում է լրագրող Խավի Միգելը իր սոցիալական ցանցում:
Աղբյուրի համաձայն, ֆրանսիացու վնասվածքից հետո «Բարսելոնայի» մարզիչը կրկին հարցրել է տնօրեն Մատեու Ալեմանիին, թե հնարավո՞ր է ուժեղացնել հարձակման գիծը։ Կառավարիչը Չավիին ասել է, որ ֆինանսական ֆեյր-փլեյի կանոնները դա թույլ չեն տա:
Ֆրանսիացին վնասվածք է ստացել Լա լիգայի 19-րդ տուրի՝ «Ժիրոնայի» դեմ խաղում։ Ֆուտբոլիստն անմիջապես գնացել է բուժզննման, իսկ երեկոյան հաստատվել է ազդրի մկանային վնասվածքի մասին տեղեկությունը։ ԶԼՄ-ների տեղեկություններով՝ հարձակվողը կարող է բաց թողնել երեքից չորս շաբաթ:
«Բարսելոնան» հույս ունի, որ Դեմբելեն կվերադառնա փետրվարի 23-ին «Մանչեսթեր Յունայթեդի» դեմ պատասխան հանդիպմանը:
