Մոսկվայի «Սպարտակի» նախկին սեփականատեր Լեոնիդ Ֆեդունի խորհրդական Ֆրանկո Կամոցին խոսել է Հայաստանի ազգային հավաքականի և ռուսական «Կրասնոդարի» կիսապաշտպան Էդուարդ Սպերցյանի ապա մասին:
«Սպերցյանով ակտիվորեն հետաքրքրվում են եվրոպական ակումբները, որոշները նրա մասին հարցրել են ինձ:
Նրա հնարավորություններն ինձ լավ հայտնի են: Ասել եմ, որ նա շատ լավ ֆուտբոլիստ է: Տեսնենք՝ որտեղ կհայտնվի ապագայում»,- Կամոցիի խոսքը մեջբերում է «РБ Спорт»-ը:
Ավելի վաղ հաղորդվում էր, որ Հայաստանի 2022թ. լավագույն ֆուտբոլիստի ծառայություններով առավել հետաքրքրված է նիդերլանդական ՊՍՎ-ն:
Հիշեցնենք, որ ընթացիկ մրցաշրջանում Սպերցյանը «Կրասնոդարի» կազմում մասնակցել է 21 հանդիպման, դարձել 10 գոլի և 6 գոլային փոխանցման հեղինակ:
Transfermarkt-ը 22-ամյա ֆուտբոլիստի տրանսֆերային արժեքը գնահատում է 9 միլիոն եվրո: