Ֆուտբոլի Ռուսաստանի ազգային հավաքականը 2023 թվականին չի խաղա գերմանական Adidas ընկերության արտադրած մարզաշապիկներով, հայտարարել է ՌՖՖ նախագահ Ալեքսանդր Դյուկովը:
«Վստահ կարելի է ասել, որ այս տարի հավաքականը ելույթ չի ունենա Adidas-ի խաղաշապիկով:
Նոր գործընկերոջ հետ բանակցություններ ենք վարում, ու շատ շուտով ազգային թիմը կրկին տեխնիկական հովանավոր կունենա»,- Դյուկովի խոսքը մեջբերում է ТАСС-ը:
Հիշեցնենք, որ Ռուսաստանի ֆուտբոլի ֆեդերացիան ու Adidas-ը համագործակցում էին 2008 թվականից:
2021 թվականի օգոստոսին կողմերը 5 տարով երկարաձգել էին գործակցության ժամկետը:
2022 թվականի մարտի 1-ին գերմանական ընկերությունը հայտարարել էր, որ դադարեցնում է ՌՖՖ-ի հետ համագործակցությունը: