Կատալոնական «Բարսելոնան» հետաքրքրված է որոշակի պայմաններով գերմանացի հարձակվող Յուսուֆա Մուկոկոյի ծառայություններով: Այս մասին հայտնում է Sport.es-ը։
Աղբյուրի համաձայն, ակումբը պատրաստ է համագործակցել 18-ամյա ֆուտբոլիստի հետ, սակայն դրա համար նա պետք է համաձայնի ոչ ամենաբարձր աշխատավարձին։ Ավելի վաղ հաղորդվում էր, որ «Բարսելոնան» առաջնային տարբերակ է Մուկոկոյի համար կարիերան շարունակելու համար։
Այս պահին հարձակվողի իրավունքները պատկանում են Դորտմունդի «Բորուսիային»։ Կողմերի միջև պայմանագրի ժամկետը լրանում է հաջորդ ամառ։
