Իտալական «Յուվենտուսը» հանդես է եկել պաշտոնական հայտարարությամբ՝ ի պատասխան մամուլում շրջանառվող տեղեկությունների, թե Թուրինի դատախազությունը մեղադրանք է ներկայացրել ակումբի նախկին ղեկավարությանը։
«Հաշվապահական հաշվառման պահանջներին ենթադրյալ անհամապատասխանությունը պարզելու ուղղությամբ վարույթ հարուցելուց հետո, որի արդյունքները ակումբը նախկինում հրապարակել էր երկու լրատվամիջոցների հաղորդագրություններով, և քրեական գործի նյութերը ստանալուց հետո մենք շարունակել ենք մանրակրկիտ ընթացքը:
Հիմնվելով իրավունքի և հաշվապահական հաշվառման ոլորտի առաջատար փորձագետների հիմնավոր կարծիքի վրա՝ «Յուվենտուսի» տնօրենների խորհուրդը եկել է միաձայն եզրակացության, որ վիճարկվող ֆինանսական հաշվետվություններում ընդունված հաշվապահական հաշվառման մոտեցումը համապատասխանում է կիրառելի հաշվապահական սկզբունքներին:
«Յուվենտուսը» համոզված է, որ նրանք միշտ ճիշտ են վարվել և մտադիր են պաշտպանել իրենց գործը և պաշտպանել իրենց կորպորատիվ, տնտեսական և մարզական շահերը բոլոր ասպարեզներում»,- գրված է ակումբի հայտարարությունում:
Հիշեցնենք, որ «Յուվենտուսի» տնօրենների խուրհուրդը նոյեմբերի 28-ին հրաժարական էր տվել:
