Մադրիդի «Ռեալը» հետևում է «Ինտերի» պաշտպան Միլան Շկրինյարի շուրջ ստեղծված իրավիճակին, ում պայմանագրի ժամկետը թիմի հետ ավարտվում է մրցաշրջանի վերջում, հայտնում է Mundo Deportivo-ն։
Ամռանը 27-ամյա ֆուտբոլիստը կարող էր տեղափոխվել ՊՍԺ, սակայն ակումբները համաձայնության չեն եկել գործարքի չափի շուրջ։
Ավելի վաղ հաղորդվում էր, որ «Ինտերն» այժմ ցանկանում է երկարաձգել պայմանագիրը պաշտպանի հետ և կարող է Շկրինյարին դարձնել ակումբի ամենաբարձր վարձատրվող ֆուտբոլիստը։
Transfermarkt-ը սլովակ ֆուտբոլիստի տրանսֆերային արժեքը գնահատում է 65 միլիոն եվրո: