«Ինտերի» փոխնախագահ Խավիեր Զանետտին ասել է, որ «ներաձուրիները» հետաքրքրված են եղել արգենտինացի հարձակվող Պաուլո Դիբալայի ծառայություններով, սակայն Ռոմելու Լուկակուի տեղափոխությունից հետո փոխել են իրենց դիրքորոշումը: Արդյունքում հարձակվողը տեղափոխվեց «Ռոմա»։
«Բանակցություններ եղել են, բայց մենք պայմանագիր կնքեցինք Լուկակուի հետ: Սակայն ես նրան լավ եմ տեսնում Հռոմում։ Ես ճանաչում եմ Մոուրինյոյին և համոզված եմ, որ նա կկարողանա առավելագույնը քաղել Դիբալայից»,- Զանետտիի խոսքերն է մեջբերում լրագրող Ջանլուկա Դի Մարցիոն։
Պաուլո Դիբալան ընթացիկ մրցաշրջանում անցկացրել է 8 հանդիպում՝ դառնալով 4 գոլի և 2 գոլային փոխանցման հեղինակ։
