«Արսենալը» հետաքրքրված է «Վիլյառեալի» հարձակվող Յերեմի Պինոյի ծառայություններով, հայտնում է Goal-ը:
Աղբյուրի համաձայն՝ «Վիլյառեալը» պատրաստ է վաճառել 19-ամյա իսպանացուն 45 միլիոն եվրոյով։
Նշվում է, որ լոնդոնյան ակումբը դեռ պաշտոնական տրանսֆերային առաջարկ չի արել իսպանական կողմին։
Նախորդ մրցաշրջանում Պինոն «Վիլյառեալի» կազմում անցկացրած 40 խաղում դարձել է 7 գոլի և 4 գոլային փոխանցման հեղինակ։
Հարձակվողի պայմանագիրն ակումբի հետ նախատեսված է մինչև 2027 թվականի հունիսի 30-ը։
