«Բավարիայի» նախկին նախագահ Կառլ-Հայնց Ռումենիգեն քննադատել է մյունխենյան ակումբի վերջին ձեռքբերումները։
«Ինչու են Հասան Սալիհամիջիչին և մնացածին գովում նրանց ամառային տրանսֆերների համար: Անկեղծ ասած, ես չեմ կարող միանալ այս ցնծության երգչախմբին։
Սադիո Մանեի և Մատեյս դե Լիգտի նկատմամբ հարգանքով հանդերձ՝ նրանք ինձ համար համաշխարհային կարգի ֆուտբոլիստներ չեն: Իհարկե, Մանեն կուժեղացնի Բունդեսլիգան և կխփի իր գոլերը, բայց ես չեմ տեսնում, որ նա ամենաբարձր մակարդակի վրա կլինի 30 տարեկանում:
Եթե այլ կերպ լիներ, Յուրգեն Կլոպը, անկասկած, ավելի շատ ջանքեր կգործադրեր Մանեին «Լիվերպուլում» պահելու համար:
Ես էլ ավելի թերահավատորեն եմ վերաբերվում Դե Լիգտին: Իհարկե, նա ընդամենը 22 տարեկան է, բայց «Յուվենտուսում» անցկացրած վերջին երեք մրցաշրջանները նրա համար ժամանակի կորուստ էին»,- Ռումենիգեի խոսքերն է մեջբերում Sportbuzzer-ը։
