«Լացիոյի» և «Միլանի» նախկին պաշտպան Ալեսանդրո Նեստան կիսվել է Չեմպիոնների Լիգայի 2022/23 մրցաշրջանում իտալական ակումբներից ունեցած սպասելիքներով:
«Չեմպիոնների Լիգայում լավագույն շանսերն ունի «Ինտերը», հետո «Յուվենտուսը»։ Թուրինցիներն իրենց բոլոր գնումներով կարող են հաղթել առնվազն Իտալիայի առաջնությունում։ Այս տարի, ի տարբերություն նախորդ տարվա, նրանք ի զորու են ինչ-որ նշանակալի բան նվաճել։
«Միլանը» պետք է փոքր շտկումներ կատարի Չեմպիոնների Լիգայում լավ հանդես գալու համար, նրանց ուղին համեմատաբար վերջերս է սկսվել:
«Նապոլին» բառացիորեն կորցրեց հոգին Կուլիբալիի և Ինսինյեի հեռանալուց հետո։ Այս ֆուտբոլիստները մեծ չեմպիոններ են: Նրանց փոխարինելը շատ դժվար կլինի»,- Նեստային է ցիտում La Gazzetta dello Sport-ը։
