«Ուրարտուն» և հարձակվող Ջոնել Դեսիրեն երկկողմ համաձայնությամբ խզել են պայմանագիրը, տեղեկացնում է երևանյան ակումբի մամուլի ծառայությունը։
Նշենք, որ Հայիթիի հավաքականի հարձակվողը «Ուրարտու» էր տեղափոխվել 2020 թվականի ամռանը, որի ընթացքում հասցրել է մասնակցել 30 հանդիպման ու խփել 15 գոլ։
Instagram-ի իր պաշտոնական էջում Դեսիրեն գրել է հետևյալը.
«Ուզում եմ հրաժեշտ տալ այս հիանալի ակումբին, որն ինձ շատ է ուրախություն և երջանկություն պարգևել: Ցանկանում եմ շնորհակալություն հայտնել ակումբին, որ ինձ հնարավորություն է տվել շարունակել զարգանալ որպես ֆուտբոլիստ և որպես մարդ, և այն ամենի համար, ինչը թույլ է տվել ինձ ապրել և վայելել այս կարճ ժամանակում։ Հատկապես ուզում եմ շնորհակալություն հայտնել թիմակիցներիս հետ ունեցած անմոռանալի պահերի համար, նրանց, ովքեր շատերը դարձել են իմ ընկերները, այս ամենը ես կպահեմ իմ սրտում: Շնորհակալություն, «Ուրարտու»։
