«Մանչեսթեր Յունայթեդի» գլխավոր մարզիչ Էրիկ տեն Հագը ցանկանում է հարձակվող Կրիշտիանու Ռոնալդուի հետ անձամբ քննարկել ռմբարկուի ապագան անգլիական ակումբում։
Ինչպես հայտնում է Daily Mail-ը, կողմերի միջև զրույցը նախատեսված է մինչմրցաշրջանային մարզումների մեկնարկից առաջ։
Ավելի վաղ հայտնի էր դարձել, որ Ռոնալդուն «կարմիր սատանաների» ղեկավարությանը խնդրել է վաճառել իրեն, եթե լավ առաջարկ ստացվի։
Ենթադրվում է, որ պորտուգալացի մարզիկը դժգոհ է տրանսֆերային շուկայում ակումբի ակտիվությունից։
Անցած մրցաշրջանի վերջում Ռոնալդուն դարձավ «Մանչեսթեր Յունայթեդի» լավագույն ռմբարկուն։