«Չելսին» հետաքրքրված է «Մանչեսթեր Սիթիի» պաշտպան Նաթան Ակեի ծառայություններով։
Ինչպես հայտնում է ինսայդեր Ջանլուկա Դի Մարցիոն՝ 27-ամյա ֆուտբոլիստի խաղը շատ է դուր գալիս «ազնվականների» գլխավոր մարզիչ Թոմաս Տուխելին։ Սակայն «Սևիլիայի» պաշտպան Ժյուլ Կունդեն մնում է լոնդոնցիների առաջնային տարբերակը:
Ավելի վաղ հաղորդվում էր, որ Կունդեն ակումբի ղեկավարությանը հայտնել էր, որ ցանկանում է տեղափոխվել «Բարսելոնա»:
Նախորդ մրցաշրջանում Ակեն «Մանչեսթեր Սիթիի» կազմում անցկացրել է 27 հանդիպում՝ դառնալով 3 գոլի հեղինակ։ Transfermarkt-ը պաշտպանի տրանսֆերային արժեքը գնահատում է 25 միլիոն եվրո։