«Լիվերպուլի» գլխավոր մարզիչ Յուրգեն Կլոպը վստահ է, որ հարձակվող Սադիո Մանեի՝ «Բավարիա» տեղափոխվելու մասին լուրերը չեն ազդի Չեմպիոնների Լիգայի եզրափակչում նրա խաղի վրա։
«Սադիոն ավելի լավ մարզավիճակում է, դա միանշանակ է: Նրա խաղը դիտելը պարզապես հաճույք է: «Բավարիայի» մասին խոսակցություններն ինձ չեն անհանգստացնում. Սադիոն ամբողջությամբ կենտրոնացած է Չեմպիոնների Լիգայի եզրափակիչի վրա, դա չի ազդի նրա խաղի որակի վրա։ Նա գիտի, թե որքան կարևոր է հանդիպումը իր և մեզ համար»,- Կլոպի խոսքերն է մեջբերում Sky Sports-ը։
Ավելի վաղ հաղորդվում էր, որ «Բավարիան» վստահ է, որ կարող է Մանեին ձեռք բերել ոչ ավելի, քան 50 միլիոն եվրոյով։