«Չելսիի» պաշտպան Մարկոս ​​Ալոնսոն հաջորդ ամառ կարող է տեղափոխվել իսպանական «Բարսելոնա»՝ այս մասին հայտնել է լրագրող Ֆաբրիցիո Ռոմանոն։

Ըստ աղբյուրի՝ «թոշակառուները» պատրաստ են Ալոնսոյին բաց թողնել «Բարսա»՝ պատշաճ փոխհատուցման դիմաց:

Մարկոսը գործնականում համաձայնեցրել է պայմանագիրը կատալոնացիների հետ։ Ակումբներն այժմ պետք է որոշեն ֆուտբոլիստի տրանսֆերային արժեքը։

Նախորդ մրցաշրջանում 31-ամյա Մարկոս ​​Ալոնսոն «Չելսիի» կազմում անցկացրել է 46 հանդիպում՝ դառնալով 5 գոլի և 6 գոլային փոխանցման հեղինակ։ Նրա տրանսֆերային արժեքը գնահատվում է 18 միլիոն եվրո։