«Ատլետիկոյի» գլխավոր մարզիչ Դիեգո Սիմեոնեն ասել է, որ «Մանչեսթեր Սիթին» իր թիմից ավելի ուժեղ կազմ ունի, սակայն արգենտինացի մասնագետը դեռ հավատում է, որ մադրիդյան ակումբը շանսեր ունի:
Չեմպիոնների Լիգայի 1/4 եզրափակչի շրջանակում ակումբների միջև առաջին հանդիպումը կկայանա Անգլիայում՝ ապրիլի 5-ին։
«Անկասկած, «Մանչեսթեր Սիթին» իր հայտացուցակում ունի հիանալի խաղացողներ: Վստահ եմ, որ նրանք մեզնից ավելի լավ ֆուտբոլիստներ ունեն: «Մանչեսթեր Սիթին» և «Բավարիան» (Չեմպիոնների Լիգայի) ֆավորիտներ են՝ իրենց ֆուտբոլիստների առանձնահատկությունների պատճառով:
Սակայն նախորդ մրցաշրջանում մրցաշարում հաղթեց «Չելսին», իսկ նրա հաղթանակին շատերը չէին սպասում»,- Սիմեոնեի խոսքերն է մեջբերում BBC-ն։
